Гуртоос пумиськон радъязы

Та нуналъёсы Наратово гуртысь потэмъёс Краснохолмскийысь культура юртын «Деревня – частица души моей» пумиськон радъязы. Вераны кулэ, туннэ нуналэ вордскем гуртазы сизьым хозяйство гинэ лыдъяське на. Озьы ке но, гуртоос ог-огенызы юн кусып возё. Пумиськонэ Бадӟым Качак гурт поселенилэн администрацияз ужасьёс но пыриськизы. Гурт поселенилэн администрациеныз кивалтӥсь Г.Д. Хайдаршин Наратовоын улӥсьёслэсь но отысь потэмъёслэсь огӵошен кариськыса ужаны быгатэмзэс пусйиз. Кылсярысь, та нуналъёсы гуртоос шайвылзэс корт кенерен котыртон сярысь сюлмасько.