+24 °С
Дождь
Общество
20 Января 2025, 15:11
Башкортостанын улӥсьёс пӧяськисьёслы коньдон келяло
Башкортостанын улӥсьёс 18-тӥ толшоре пӧяськисьёслы 10 миллион манетлы матэ коньдонзэс келязы.
Башкортостанын улӥсьёс пӧяськисьёслы коньдон келяло
МВД-лэн пресс-службаезлэн ивортэмезъя, Уфаысь 59 аресъем нылкышнолы пӧечи инвесторъёс жингыртӥзы. Соос кышномуртлэсь 1,5 млн манет коньдонзэ таланы быгатӥзы. Собере инвесторъёс пӧям нылкышнозылэн 56 аресъем эшез борды мертчиськизы. Солэсь 1,5 млн манет коньдонзэ таланы быгатӥзы. Пӧяськисьёслы келян понна нылкышно 1 млн манетлэсь тросгес кредит басьтӥз. Нош Салаватысь 55 аресъем пиосмурт огъя 1,7 миллион манет коньдонзэс «энергокомпаниын» но «правоохранительной органъёсын» ужасьёслы келяз.
