Янаул ёросысь удмуртъёслэн кенешонзы ортчиз

Отчы гурт поселениосын кивалтӥсьёс, культура удысын тыршисьёс, дышетӥсьёс мукетъёс пыриськизы. Ужрадэз БР-ысь удмуртъёслэн национально-культурной центрзылэн Янаул ёросъя филиалэныз кивалтӥсь Ю. С. Саитов нуиз. Пумиськонэ ёрос администрациен кивалтӥсьлэн социальной ужпумъёсъя воштӥсез Гаухар Миндиярова пыриськиз. Со матысь дыре ёросын ортчоно бадӟым ужрадъёсын тодматӥз.Нош  со бере вераськон Янаул ёросысь удмуртъёс борды выжиз. Татын огкылысь шуизы: «Йылоллы пӧрмем ужрадъёсты быдтоно ӧвӧл. Соосты ортчытыны тыршоно. Со сяна, выльёсыз сярысь но малпаськоно». Туэ бадӟымгес саклык висъялозы  нимысьтыз военной операцие пыриськисьёслы но соослэн семьяоссылы, Быдӟым Атыкай ожлы 80 ар тырмонлы.