Нылпи садэ ветлӥсьёсты конкурсэ пыриськыны ӧтё

Анай кыллэн нуналэзлы сӥзем творчествоя конкурс Калтасы, Татышлы но Янаул ёросъёсысь удмурт нылпи садъёсы ветлӥсь 5-6 аресъем пиналъёслы чакламын. Со Башкортостанысь удмуртъёслэн национально-культурной центрзылэн 2025-тӥ арлы уж планэзъя радъяське.

Конкурс удмурт кылын ортче. Пиналъёс быгатонлыкъёссэс куинь ӧръя возьматыны быгато: «Чеберлыко лыдӟон», «Крезьгур дунне» (соло, дуэт, трио), «Эктыны ке потӥськом». Котькуд конкурсантлы вить минут дыр сётӥське. Фонограммаез уже кутыны уг яра. Вормисьёс но призёръёс БР-ысь удмуртъёслэн НКЦ-зылэн Данъян грамотаеныз данъясько.

«Пичи кизили» конкурс 19-тӥ тулыспалэ радъяське, ӵукна дас часын кутске. Конкурсэ пыриськон сярысь заявкаосты 1-тӥ тулыспалозь Каймашабашысь школае kaimash—[email protected] электрон почтае ыстоно. Крезьгуро файлъёсты 15-тӥ тулыспалозь куто. Кылдэм юанъёсын улӥын сётэм телефонъёсъя вазиськыны луэ: 8(34760) 45-3-14 (Каймашабашысь школа), 8-987-043-08-12 (школалэн директорез Регина Владимировна Кочурбаева), 8-965-668-13-74 (директорлэн воштӥсез Элеонора Касимовна Мингазиева).