Алтауос ульчазэс тупатыны кенешизы

Башкортостанын быдэстӥськись «Программа поддержки местных инициатив» проект Бурай ёросысь Алтауын улӥсьёслы кык бадӟым уж лэсьтыны - Центральной урамез тупатыны, шай кенерез выльдыны - юрттӥз. Туэ но гурт калык ППМИ проектэ пыриськыны мылкыд кариз.

Кузбай гурт поселенилэн администрациеныз кивалтӥсен Ф. Б. Закировен радъям одӥгаз собраниын алтауос сюлмаськытӥсь ужпумъёссы сярысь веразы. Тросэз Школьной урамез тупатон понна куаразэс сётӥзы. Кенешонын инициативной группалэсь ёзчиоссэ бырйизы. Соос ӝегатскытэк ужзы борды басьтӥськизы, ужез радъян, калыклэсь коньдон люкан, спонсоръёсын ужан пумысен кенешизы.

Алтауос котькуд уж борды саесъёссэс пужалляса басьтӥсько. Таиз ужмы но пӧрмоз.

Лидия МУХАМЕТЗЯНОВА, Алтауын улӥсь.

Автор:

Читайте нас

Партнеры