+28 °С
Салкым
Общество
12 январь 2025, 15:03
Башкортостанын анай кылъёсъя олимпиада ортчиз
10-11-тӥ январе Уфаысь К. С. Давлеткильдеев нимо художественной гимназия-интернатын анай кылъёсъя но литературая (бигер, чуваш, пор, удмурт мордва) олимпиада ортчиз.
Башкортостанын анай кылъёсъя олимпиада ортчиз
Отчы республикаысь 9-11-тӥ классъёсын дышетскисьёс пыриськизы. 11-тӥ январе олимпиадаослы йылпумъянъёс лэсьтӥзы . Нылпиосты ӟечкыласа вераськизы БР-ысь дышетонъя министрлэн воштӥсез Альфия Галиева, калыкъёслэн национально-культурной центръёсынызы кивалтӥсьёс, жюрилэн ёзчиосыз.
Удмурт кылъя но литературая олимпиадае Калтасы, Кушнаренко, Татышлы но Янаул ёросъёсысь школаосын дышетскисьёс пыриськизы. Соос пӧртэм юанъёслы валэктонъёс сётӥзы, анай кылынызы вераськыны быгатэмзэс возьматӥзы, кылбур учкытэк веразы. Укмысэтӥ классъёс пӧлын вормисе потӥз Татышлы ёросысь Кальтяево школаысь Анелия Рахматуллина (дышетӥсез Л. А. Хазипова), дасэтӥ классъёсы пӧлын – Татышлы ёросысь Выль Татышлы школаысь Анастасия Хатипова (дышетӥсез З. П. Зайнуллина), 11-тӥ классъёс пӧлын – Татышлы ёросысь Улысь Балтач школаысь Михаил Кайранов (дышетӥсез З. Т. Шарафутдинова).
Олимпиадалэн йылпумъянъёсыз сярысь пыр-почгес лыдӟыны быгатоды газетмылэн вуоно номерысьтыз.
