Малпам ужзы быдэсмоз

Калтасы ёросысь Бадӟым Качак гурт поселениын улӥсьёс арлы быдэ ППМИ проектэ мылысь-кыдысь пырисько. Кылсярысь, та программа улсын Бадӟым Качакысь, Кугарчиноысь, Чиндэрысь шайёсты корт кенерен котыртӥзы. Нош Качкинтурайысь клуб но Бадӟым Качак школаысь спортзал ППМИ луэмен выль улонэн шокчизы. Озьы ик проект Кугарчиноысь, Кургакысь но Чиндэрысь сюресъёсты лэсьтыны юрттӥз. Туэ Бадӟым Качак гурт поселениысь Наратово гурт ППМИ программае пыриське. Та пичи гуртын сизьым коркан гинэ уло ке но, палэнэ кошкемъёс но вордскем гуртсылэн ужпумъёсыныз сюлэмшугъясько. Туннэ нуналэ гуртын лэсьтоно ужъёс ӧжыт ӧвӧл. Озьы ке но, гуртоос ӵыжы-выжыоссэс сӥлы карыса, шайвылзэс корт кенерен кенераны малпазы. Ужзэс йылаз-пумаз вуттыса лэсьтон понна собраниос ортчемын, инициативной группа быръемын.

Вагиз ИСЛАМОВ,

инициативной группаен кивалтӥсь.