Нуналлы быдэ тунсыко ужрад ортчиз

 Янаул ёросысь Шудекысь культура юртын но гуртооссэс котьку шумпотыса пумитазы. Одӥгаз нуналэ, кылсярысь, татын интеллектуальной шудон ортчиз. Со 1990-тӥ аръёслы сӥземын вал. Шудон сизьым раундлэсь сылӥз. Отын вить команда понна шудӥсьёс тодон-валанзэс возьматӥзы. Шудон капчи но задор мылкыдын ортчиз. Отчы пыриськисьёс котькуд юанлы пыр-поч валэктон сётыны быгатӥзы. Вераны кулэ, соосты дасясьёс но зол тыршиллям: шудӥсьёслэсь пӧртэм ӧръёсъя визьзэс сыназы. Шудонын «Назад в будущее» команда нырысетӥ интыын луиз. Кыкетӥ но куинетӥ интыосы потӥзы «Красотки» но «Лихие городские» командаос.