Куное люказ Самовар

Ужрад тол сабантуй выллем радъямын вал. Котькин аслыз кельшымон площадка шедьтӥз. Праздникез дасясьёс узыр программа малпаллям угось. Котыре чузъяськизы пӧртэм кырӟанъёс, эктон гуръёс, шудонъёс. Нош ӝӧквылъёс сиён - юонъёсын тырмемын вал. Соосты дасязы гуртъёсысь культура юртъёсын, клубъёсын ужасьёс. Самоварысь ческыт чаен та нуналэ котькин кунояськыны быгатӥз.
Праздник ӟечкылан кылъёсын йылпумъяськиз. Ӝӧк дасям коллективъёс дипломъёсын пусъемын. Валтӥсь кузьымез - "Самовар - 2025" дипломез- басьтӥзы ташкичиос. Мукет клубъёсысь коллективъёс пӧртэм номинациосысь дипломъёслы кузё луизы.

Фото: Ташкичинский СК