Ӵошатсконъёсысь вормонэн бертӥзы

 Со улсын татын пӧртэм ӵошатсконъёс ортчо. Куинетӥ январе, кылсярысь, гурт поселениосысь, организациосысь но предприятиосысь командаос ӝӧквыл теннисэн шудӥзы. Отын зол кужымзэс возьматӥзы Вуж Вараш гурт поселениысь тазалыко улонэн эшъяськисьёс но. Ӵошатсконысь соос кыкетӥ интыен бертӥзы. Нош туннэ татысь уясьёс шумпоттӥзы. Бассейнын нылкышноос 25 метрез ортчизы, пиосмуртъёс – 50 метрез. Ӵошатсконын Вуж Вараш гурт поселениысь уясьёслэн командазылы вуисьёс ӧз луэ – соос нырысетӥ интыын. Вуж варашъёс мас-рестлингъя ӵошатсконын но вормонзылы оско. Со ӵуказе ортчоз. Та нуналэ ик Вуж Вараш гурт поселениысь нылкышноослэн командаоссы гуртазы футболэн шудозы. 

Туспуктэм: МАУ ДО СШ "Юность" г.Янаул