Культура удысын тыршисьёсты данъязы

Со сярысь  «Башинформ» информационной агентство ивортэ. Ужрад регионысь гурт хозяйствоя министерстволэн колонной залаз ортчиз.

- Республикаын лулчеберетэз азинтонлы бадӟым саклык висъяське. Тӧроезлэн Радий Хабировлэн кичӧлтэмезъя трос бадӟым проектъёс кылдытэмын. Соос пӧлысь одӥгез – «Китап-байрам» фестиваль, - шуиз Урал Кильсенбаев.

Та нуналэ данъямъёс пӧлын луиз Татышлы ёросысь Улысь Балтач культура юртысь «Рябинушка», «Русский сувенир» ансамбльёсын кивалтӥсь, кырӟась Ирина Шайхлисламова но удмуртъёслэн историяя но культурая центрысьтызы валтӥсь ӧнерчи Ирина Самигулова. Табере соос - "БР-ысь культура удысысь сӥё-дано ужасьёс".