«Салют Победы» калык творчествоя фестиваль азинтӥське

Со Быдӟым Вормонлы 80 ар тырмонлы но ёрослэн кылдэмез дырысен 90 ар тырмонлы сӥземын. Та нуналъёсы фестиваль эстафета амалэн Улысь Балтач гурт поселение вуиз. Сое пумитаса Улысь Балтачысь культура юртын бадӟым концерт возьматӥзы. Татын со, котьку сямен, сюлме пыӵамон пӧрмиз. Концертэ быдэс гурт поселениен дасяськиллям. Учкисьёс шумпотыса но тужгес кужмо кичабонъёсын пумитазы дышетскисьёсты – соослэн вуонозы понна улонзэс жалятэк ожмаськизы песятайёссы но ӵужатайёссы. Учкисьёслэсь сюлэмзэс трос чебересь кырӟанъёс но эктонъёс бугыртӥзы, духовой оркестр но секыт ож аръёсты тодазы вайытӥз.

Фестиваль сюрессэ азинтэ. Вуоно арын Улысь Балтач гурт поселение сое мукетъёслы выжтоз.