Чернушкаын «Парад воплощённых идей» фестиваль ортчиз

Вераны кулэ, школа Совето Союзысь Геройлэсь Евгений Францевлэсь нимзэ нуллэ. Соин татын патриотической ужрадъёс ӵем радъясько. Геройёслэн нуналазы школаосысь командаосты «Парад воплощённых идей» фестиваль огазеяз. Сое радъян сярысь сюлмаськизы школа бордысь «Кадетское братство» содружествоысь волонтёръёс. Отчы Улысь Балтачысь нылпиос но пыриськизы.

Фестивале лыктэм дас командаос пӧлын ӟырдыт нюръяськон пуромиз. Соос "Красив в строю - силен в бою" конкурсын, "Голос памяти" творческой конкурсын быгатонлыкъёссэс возьматӥзы. Улысь балтачъёс кыкетӥ конкурсын висъяськизы – 2-тӥ интылы кузё луизы.

Ӵошатсконэ пиналъёсты дышетӥсьсы Радмир Губаев дасяз.

Фото: МБОУ СОШ с. Нижнебалтачево