+22 °С
Дождь
Общество
13 Декабря 2024, 17:51
Нылпиос понна тыршем потэ
Выль ар вуытозь лыдъямон нуналъёс кылизы. Корка укноос, юртъёс гирлянда тылъёсын ӝуатскизы ини. Культура юртъёс азьын, нылпи садъёсысь но школаосысь азбаръёсын лымылэсь мунёос кылдӥзы.
Нылпиос понна тыршем потэ
Калтасы ёросысь Бадӟым Качакысь нылпи садэ ветлӥсь нылпиос доры но лымылэсь лэсьтэм выжыкылысь геройёс вуизы. Нош пичильтокъёслы паймымон дунне кылдытыны анай-атайёссы юрттӥзы. Нылпи садын ужасьёсын ӵош соос зэмос выжыкыл пӧрмытӥзы. Табере пиналъёсты котькуд ӵукна Тол Бабай но Лымы ныл, лудкеч но ӵушъял, кый но чеберъям кыз пумитало. Угось нылпилэн шумпотэмезлы номыр но уз вуы. Соос понна выльысь но выльысь тыршемед потоз.
