Кышномуртъёс вакытсэс пайдаен ортчыто

Та нуналэ соослэн кенешон ужрадзы ортчиз. Отын «Золотая пора» клубе пыриськись кышномуртъёс азьпалан ужан ӧрзы сярысь вераськизы, та арлы йылпумъянъёс лэсьтӥзы. Вераны кулэ, Вуж Варяшысь модельной библиотекаын радъяськись ужрадъёсы клубысь кышномуртъёс мылысь-кыдысь пырисько. Угось татын соос вакытсэс пайдаен ортчыто, ог-огенызы куректонъёсынызы но шумпотонъёсынызы люкисько, пӧртэм ужпумъёсты ӵошен сэртто-пертчо.

Фото: Староваряшская сельская модельная библиотека