+24 °С
Дождь
Общество
10 Декабря 2024, 17:21
Ожгарчиос котьку асьме пӧлын улозы
Татышлы ёросысь Выль Татышлыысь школаын нимысьтыз военной операциын бырыны шедем ожгарчиослы сӥзем «С памятью в сердце» ужрад радъяськиз.
Ожгарчиос котьку асьме пӧлын улозы
Секыт но ӝожмыт тодэ ваёнъёсын тырмемын вал ож бусыын быремъёслы сӥзем ӝыт. Соос сярысь дасям презентациез но синвуостэк учкыны уг луы. Угось егит пиосмуртъёслы шумпотыса улоно вал, нош тушмон пуля соослэсь улонзэс пыраклы чигиз.
Ужрадын Бальзюгаын вордскем но быдэ вуэм Дмитрий Дарвинович Нуриевез но тодазы ваизы. Со 2022-тӥ арысь 28-тӥ куарусёнэ мобилизация улсын нимысьтыз военной операцие кошкиз. Небыт сюлэмо, ужез яратӥсь но котьку юрттыны дась луись егит пилэн улон сюресэз кузь ӧз луы. Сайкыт инбаммы но шудо-буро азьпалмы понна со улонзэ сётӥз.
Дмитрий Нуриев кадь ожгарчиос котьку асьме пӧлын улозы. Соос луэмен асьмеос котькуд ӵукна шумпотыса султӥськом, номырлэсь кышкатэк улонтӥ вамыштӥськом.
Фото: д. Малая Бальзуга «Трезвое село-2024»
