+22 °С
Зоръёслэн
Общество
7 декабрь 2024, 04:30
Ӟечсэ курыса Инмарлы вазиськизы
Татышлы ёросысь Выль Татышлыын «Тол Мӧр вӧсь» ортчиз. Йылоллы пӧрмем Инмарлы вазиськон ужрадэ Бальзюгаысь, Майскысь, Выль Татышлыысь куриськисьёс люкаськизы.
Ӟечсэ курыса Инмарлы вазиськизы
Котькуд ар декабрь толэзьлэн кутсконаз, шунды пукон нуналъёсы, Выль Татышлы гурт поселениын улӥсьёс тазалыкен но ӟечлыкен октэм ю-нянь, бакча емышъёс понна Инмарлы тау карыса вазисько. Туэ но гурт калык бадӟым ужез йылаз-пумаз вуттыса быдэстӥз.
60 арлэсь кема куриськон ужез татын Назип Садриев быдэсъяз. Инмарлы вазиськон кылъёсты, куриськон ужлэсь радлыксэ со пичи нуныез выллем утиз. Назип Садриев ас калыкезлы тыршемез понна «Древо мира» финн-угор премиен но пусъемын. Нош 2016-тӥ арысен та бадӟым уж борды Фридман Кабипянов басьтӥськиз. Дас ар ӵоже егит куриськись гурт калыклы тазалык но шудо улон курыса Инмарлы вазиське.
Вӧсь ӝуксы ческыт пӧзиз. Сое веръякуз котькудӥз ас понназ умойзэ гинэ малпаз, дыр. Угось та выллем чылкыт интые сайкыт малпанъёсын вуыны кулэ.
Фото: д. Малая Бальзуга «Трезвое село-2024»
