Ожгарчиосты сӥлы карыса мемориал пул шуккизы

Калмиярысь школаез йылпумъям Сергей Александрович Рахимовлэн но Ирек Кабибзянович Нигаматзяновлэн улонзы нимысьтыз военной операциын чигиськиз. Соос асьмелэн шудо улонмы понна бырыны шедизы. Мемориал пулэз усьтон ужрадэ трос калык люкаськиз. Соос пӧлын вал Татышлы ёрос администрациен кивалтӥсьлэн нырысетӥ воштӥсез Р. Магзумов, «Защитники Отечества» фондлэн филиалысьтыз социальной координатор В. Сафин, ожгарчиослэн матысьёссы, Калмияр школаын дышетскисьёс но гуртоос.