Газетмылэн эшез "Удмурт Кенешлэн" Данъян книгаяз пыртэмын

«Тюрагай» ансамблез туннэ Пермь шаерын гинэ ӧвӧл, солэн палэназ но шумпотыса пумитало. Нош соин кивалтӥсьлэсь тыршемзэ котьку вылӥ дунъяло. Физая Сабирьяновналэсь удмурт калык сярысь сюлмаськемзэ Удмурт Элькунын но синйылто. Туннэ отысь Калыкъёслэн эшъяськон юртазы «Удмурт кенеш» ассоциацилэн Пичи кенешез ортчиз. Отын огазеяськонлэн Данъян Книгаяз вить выль нимъёс пыртэмын. Удмурт калыклэсь лулчеберетсэ, кылзэ, сям-йылолъёссэ утёнын азинлыко тыршемез понна соос пӧлы газетмылэн эшез Физая Гарифуллина но шедиз.