Тодмо тренерлэн, сӥё-дано дышетӥсьлэн кузьымез понна волейболъя ӵошатскон ортче

Нырысь со ёросысь кужмо куасчиосты дасяз. Нош али Александр Иванович ДЮСШ-ын тренер луыса ужа но Выль Татышлы школаысь пиналъёсты волейболэн шудыны дышетэ. Солэн нылпиосыз ёросын, республикаын волейболъя ӵошатсконъёсын котьку вормисьёс пӧлын луо. Туннэ Вылысь Татышлыын дано тренерлэн кузьымез понна  ӵошатскон ортче. Отчы Александр Ивановичлэн пӧртэм аръёсы дышетэм пиналъёсыз пырисько. Со сяна, ӵошатсконэ пичи волейболистъёсыз но вуизы. Туннэ соос волейбол площадкаын быдӟымъёслы пумит кышкатэк султӥзы.

Волейбол площадкаын ӟырдыт нюръяськон мынэ. Отын трос команда кужымзэ эскере. Соос понна шудӥсь пиос пӧлысь тросэз Александр Ивановичлэн дышетскисьёсыз луо.