Анай кыл - улонэ нырысь вамыш

Кинлы кулэ на, пе, удмурт кылэд?!
Гуртад сяна
Уд вераськы соин.
Сыӵе вераськонэз ке кылӥсько,
Котьку солы туж лек вожпотӥсько.
Анай кыл - улонэ нырысь вамыш,
Сотэк уд лэсьты мукетсэ вамыш.
Анай музэн,
Анай кылыд юрттоз,
Улон сюрес кузя йыгмыт валтоз.
Бадӟым шуръёс кошко ошмесысен,
Нош вераськон кутске
Анай кылэн.
Умой ӧд ке вала анай кылэз,
Ӟечгес уд тоды тон мукет кылэз.
Соин ик мон
Тыныд йыбырттӥсько,
Соин ик мон
Тонэн данъяськисько! 

Флор ВАСИЛЬЕВ.