Удмурт гуртын благотворительной концерт ортчиз

Илиш ёросысь Ташкичиын улӥсьёс но пиосмы понна нуналысь нуналэ курисько. Соос шаермес утисьёслы быгатэмзыя пӧртэм ласянь юрттыны тыршо. Та нуналъёсы, кылсярысь, татын благотворительной концерт радъязы. Отчы бускель гуртъёсысьтызы кырӟась-эктӥсьёсты но вазизы. Залэ люкаськем калыкез пумитаса но нылкышноосты Анайлэн нуналэныз ӟечкыласа Базитамак гурт поселенилэн администрациеныз кивалтӥсь И. Р. Закиров вераськиз.

Концертлэсь поттэм коньдонэз нимысьтыз военной операцие пыриськисьёслы келялозы.