Янаулын юбиляръёсты ӟечкылазы

Юбиляръёсты пумитаса но ужрадэз усьтыса Башкортостан Республикаысь Кун Собрание-Курултайлэн депутатэз И.А. Вазигатов, Шудек гурт поселениен кивалтӥсь С.Н. Байдуллин вераськизы. Аръёс пыр ог-огзэс гажан но яратон мылкыдзэс ыштымтэ семьяослы соос  тазалык но ваньзэ ӟечсэ гинэ сӥзизы.

Нина но Владимир Петрофановъёс вань улонзэс гурт удысын тыршизы. Владимир Суфиярович котьку азьветлӥсь механизаторен лыдъяськиз, нош Нина Муллануровна скал кыскись луыса ужаз. Кыкназылэн ик тыршыса ужамзы данъян грамотаосын пусъемын.

Петрофановъёс куать нылпи будэтӥзы. Туннэ нуналэ соос ваньзы асьсэлэн семьяосынызы уло ини. Со сяна, арлыдо кузпалъёсты дас нунокъёссы шумпотто.

Та нуналэ, юбиляръёсты ӟечкыласа, ёросысь артистъёс соослы шулдыр кырӟанъёс кузьмазы. Трос кулэ шат арлыдоослы? Шуныт кылъёс но соослы бурд кузьмало, азьпалэзлы оскон сёто.

Фото: Шудекская сельская модельная библиотека