Мошенникъёс пӧяськон амалъёс малпан бордын пыр-поч ужало

Аферистъёс выль амал малпаллям. Курьер дорад сяська вае. Со понна коньдон уг куры. Кызьы ивортэ «Вестник киберполиции России» телеграм-канал, ӵуказеяз сяська керттэтлэн кузёезлы телефон пыр жингырто. Иворто, толон тӥ шудо басьяськисьёс пӧлы шедиды, соин дорады сяська керттэт ваизы шуыса. Соин ужкагаз, пе, гожтоно. «Со понна телефонады ыстэм СМС-ысь кодэз милемлы ивортоно», - валэктэ йыртэмась. Тросэз адямиос оско, малпаськытэк но кодзэс верало. Нош аферистъёс озьы персональной даннойёсы «сюрес» усьто, муртлэн нимаз кредит оформить каро. Соин туж сак кариськоно. Тодмотэм адямиосын вераськыса, телефонэ вуэм смс-кодъёсты соослы ивортыны эн дыртэ!