Шулдыр пумиськон капчи мылкыд кузьмаз

Крезьгур ужрадэ ёросысь удмурт коллективъёс пыриськизы. Соосты пумитаса но шулдыр ӝытэн ӟечкыласа Шудек гурт поселениен кивалтӥсь С.Н. Байдуллин, Башкортостан Республикаысь удмуртъёслэн национально-культурной центренызы кивалтӥсьсылэн Янаул ёросъя воштӥсез Ю.С. Саитов вераськизы.

Семьялэн арезлы сӥзем ужрадэ трос нылпиё семьяос пыриськизы. Валентина но Денис Шакировъёс, Елена но Артём  Шайдуллинъёс асьсэ семьязы сярысь мадизы, выжыосынызы тодматӥзы,кырӟаны но эктыны быгатэмзэс возьматӥзы.

Эшъяськонэн но шумпотонэн тырмем ужрадзы зэмос праздниклы пӧрмиз. Учкисьёс котькуд номерез ӟырдыт кичабонъёсын пумитазы. Нош артистъёслэн кырӟан-эктонъёссы вань люкаськемъёслы капчи но задор мылкыд кузьмазы.

Фото: Шудекский СДК