«Малпанъёсынымы ми котьку пиенымы артэ»

- Пимы мобилизация улсын нимысьтыз военной операцие пыриське, - вера атаез Николай Константинов. – Ожмаськонэ мынонэз сярысь тодыса, со берлань ӧз чигна. «Кунмес утёно бере, мон мыно», - шуиз со. Мон но мынысал шаермес утьыны, арлыды бадӟым ке ӧй луысал. Ми пичи дырысен озьы визьнодамын: вордскем шаерез утёно. Евгенийлы но шаерез гажан, ужез яратон мылкыд пичиысен пыӵамын.

Евгений Николаевич ӝыны арлы быдэ вордскем палъёсаз вуылыны тырше. Со матысьёсыныз телефон пыр кусып возе. Дораз сое чидатэк витё анай-атаез, Света кузпалыз, Демид пиез но Женя нылыз.

- Пимылэсь бертэмзэ туж витиськом, сое шумпотыса пумитаськом, нош люкиськонэз секыт, - вера Николай Викторович. - Секытлыкъёс кужмоослы сётӥсько, шуо. Улонын пӧртэм шуг-секытъёсты вормоно луиз ни.

Николай Викторович улонлэсь юн шуккетсэ егит дыръяз ик веръям.

(Быдэсак материалэз лыдӟе газетмылэн 46-тӥ номерысьтыз).