Башкортостанын егитъёсты лыдъязы

Со республикаын улӥсь калыклэн 26 процентэз луэ. Егитъёслэн 537,1 сюрсэз – пиос, 520,1 сюрсэз – нылъёс. Егитъёс пӧлы 14-35 аресъем адямиос пыртэмын.

Башстатлэн ивортэмезъя, егитъёслэн 65,6 процентэз городын уло, 34,4 процентэз – гуртын.

Кылем арын республикаямы Россилэн мукет регионъёсысьтыз 17 сюрс егит нылъёс но пиос вуизы, нош кунгож сьӧрысь – 8,1 сюрс.  

2023-2024-тӥ дышетскон арын Башкортостанысь вылӥ дышетскон юртъёсын 105 сюрс студентъёс тодон-валан басьтӥзы, ссузъёсын – 113,5 сюрс адями. Нош ужасьёсты ке учконо, республикаын пӧртэм удысъёсын тыршисьёслэн 31 процентэз егитъёс луо.

Туспуктэм Данила Ахметшинлэн  вотэс бамысьтыз басьтэмын.