Синмаськымон калык улэ Алтауын

Бурай ёросысь Алтау гуртын улӥсь калык шоры синмаськыса учкод. Угось соос праздникъёсы но, шуг-секытъёсы но ӵошен уло. Бадӟым ужъёс борды алтауос ноку но оген уг басьтӥсько. Эшъяськон кизы соослэн котькытын валче луэ.

Алтауын улӥсьёс муш вордэменызы висъясько. Котыр инкуазь ачиз косэ кадь соосты чечы карыны. Угось гуртсы паськыт возьёс, кузь кыстӥськись нюлэсъёс вӧзы интыяськемын. Кезьытъёс вуэмен мушъёсты шунытэ интыяны кулэ. Та выллем ужез капчи уд шуы. Нош гуртоосыд умой луизы ке, юрттыны вуизы ке, сюлэсь ятыр умортоез но капчиен пырталод.

Алтауын озьы уло: тулыс вуэ ке, муш умортоосты ӵошен кыре поттало, гужем ог-огзылэсь мушъёссэс утё, нош сӥзьыл умортоосты шунытэ пыртаны юртто.

Учкымон но синмаськымон калык улэ Алтауын. Отчы вуид ке, одно ик ческыт чечыен куноялозы.

Фото: Трезвое село – 2024 - Алтаево