Шаермес утисьёслы юрттэт возьмато

Пермь шаерысь Чернушка городын улӥсьёс но СВО-е пыриськисьёслы юрттэт возьматон сярысь сюлмасько: маскировочной сеть кертто, гумконвой люкало. Та ужез радъян сярысь Надежда Ахметзянова (туспуктэм вылын шорысез) сюлмаськем. Солэн Улысь Балтачысь выныз но нимысьтыз военной операцие пыриське угось.

Алигес Н. Ахметзяноваез «Защитники Отечества» кун фондлэн Чернушкаысь филиалэныз кивалтӥсе юнматӥзы. Со сярысь Чернушка город округен кивалтӥсь Артём Трушков вк вотэс бамаз ивортэ.

«Надежда Романовна 14 ар ӵоже Чернушкаын улэ. Татчы со Башкортостанысь вуэмын. Со 2022-тӥ арысь декабрь толэзьысен волонтёр уж борды басьтӥськиз. Масксеть керттыны дышетскыны Пермьысь «ПАРМА ZA СВОих» волонтёр огазеяськонэ ветлӥз. Бӧрысь со котыраз эшъёссэ, тодмооссэ люказ. СВО-е пыриськисьёслы юрттӥсьёслэн лыдзы нуналысь нуналэ йылӥз. Туннэ нуналэ городысь волонтёръёслэн кичӧлтэмзыя СВО-е 800-лэсь трос масксеть ыстэмын. 6-тӥ шуркынмонысен Надежда Романовна «Защитники Отечества» кун фондлэн Чернушкаысь филиалэныз кивалтэ».

Фото: соцсети Артём Трушков

***

Тодады вайытӥськом: шаерысьтымы мылкыд карисьёсты контрактэн военной службае куто. Контрактэн служба пумысен вазиськыны луэ:

- огъя юалляськон номере – 117;

- ситуационной центре – 122 яке 8 (347) 218-19-19;

- БР-ысь военной комиссариатлэн пунктаз – 8 (347) 248-29-31 (Уфа, Революционная, 156);

- «Мои документы» МФЦ-лэн офисъёсаз;

- башбат.рф сайтэ;

- Телеграм мессенджерысь контрактэн службалы но СВО-е пыриськисьёслы но соослэн семьяоссылы юрттэт возьматонъя чат-ботъёсы.