Ӵуказе нунал сярысь туннэ малпаськоно

Янаул ёросысь хозяйствоос та ужзэс йылаз-пумаз вуттӥллям-а? Алигес хозяйствоосын эскеронъёс ортчизы. Ёрос администрациен кивалтӥсь С. Н. Гильмиев, солэн гурт хозяйствоя воштӥсез Р. Р. Алимгафаров, республикаысь гостехнадзоръя кун комитетлэн Янаул ёросъя валтӥсь инженер-инспектор Б. Р. Юсупов, ёросысь гурт хозяйствоя управлениысь ӧнерчиос, гурт хозяйствоосын, КФХ-осын кивалтӥсьёс ёросысь хозяйствоосы вуылӥзы.

- Шудек гурт поселение «Победа» ООО-лэн ёзэтэз интыяськемын. Татысь комбайнъёс, кизён комплексъёс толалтэ «шутэтсконлы» дасямын, - эскеронъёс пумысен вотэс бамаз гожтэ Шудек гурт поселенилэн администрациеныз кивалтӥсь Сергей Байдуллин. – Интыысь управляющийлэн Алмаз Муллаяровлэн кичӧлэмезъя, гурт удысын ужъёс дыраз быдэстӥсько, «Победаын» ужез гажась механизаторъёс ужало. Гурт поселенимы соослэсь юн юрттэтсэс шӧдэ. 

Эскерон хозяйствоослэсь толлы дасьлыксэс возьматӥз. Зэм, со тырмымтэосты но шараяз. Куд-ог хозяйствоос МТМ-оссэс толлы дасяны вутскиллямтэ на. Матысь дыре соос но техниказэс тупатыса, «кӧлыны» интыялозы. Нош тулыс корт валъёс гуретыса бусыосы ужаны потозы.  

Фото: Управление сельского хозяйства Янаул