Сюлэм шунытсэс кагазэ пыӵатыса

СВО кутскем дырысен вань калык одӥг малпанэн улэ: вормонлы вань кужымез сётоно, асьмелы одно ик вормоно! Нимысьтыз военной операцие лыдъянтэм гуманитарной юрттэт кошке, шуныт кылъёсын пыӵам нылпи гожтэтъёс лобо. Быдэс  странамы ожгарчиос понна тырше. Бусы ожын тужгес но сюлэмлы матын луо нылпиослэн киосынызы лэсьтэм тунсыко суредъёс но гожтэтъёс. Соос пиосмуртъёсты окопъёсын шунто, азьпала мыныны кужым сёто. Калтасы ёросысь Краснохолмскийысь кыкетӥ номеро школаын дышетскисьёс таӵе гожтэтъёсты трос гожъязы ини. Сюлэм шунытсэс ожгарчиос  шӧдо, ӵем гинэ пиналъёслы тау кылъёссэс ысто.