Финн-угор калыкъёс фестивале пырисько

Бадӟым ужрад финн-угор калыкъёсты огазея. Ныль нунал ӵоже калыкъёс асьсэ лулчеберетсэс, сям-йылолъёссэс яркыт возьматыны быгатозы. Фестиваль улсын пӧртэм ужрадъёс ортчытыны чакламын.

7-тӥ шуркынмонэ Калтасы ёросын ортчоно ужрад фольклорлы сӥземын луоз. Отын котырес ӝӧк но радъяськоз. Темаез – «Вопросы сохранения фольклорных традиций финно-угорских народов Республики Башкортостан».

8-тӥ шуркынмонэ фестиваль Татышлы ёросэ вуэ. Финн-угор семьяосты «Моя семья – моя крепость» конкурс огазеялоз.

Фестиваль 9-тӥ шуркынмонэ Мишкино ёросын йылпумъяськоз. Отын «Вопросы сохранения нематериального этнокультурного достояния финно-угорских народов Республики Башкортостан» конференция радъяськоз.

Фестиваль улсын пӧртэм мастер-классъёс, адӟытонъёс ортчозы. Туннэ, кылсярысь, Николо-Берёзовкаын БР-ысь удмуртъёслэн историяя но культурая центрзы удмурт калык лулчеберетэз кибашлыослэн ужъёсынызы адӟытон пыр возьматэ.

Фото: соцсети Ксения Милиятова