Кырӟасьёс конкурсэ пыриськизы

Пермь шаерысь Куеда ёросын ортчем «Патриоты края, патриоты России» ёрос фестиваль-конкурс крезьгур дуннеен эшъяськисьёсты огазеяз. Отчы вокал коллективъёс но нимысьтыз кырӟасьёс пыриськизы. Удмурт гуртъёсысь ансамбльёс но палэнэ ӧз кыле. Бадӟым Гондыр гуртысь ветеранъёслэн «Купанча» вокал коллективзы (кивалтӥсез Зинаида Останина), кылсярысь, «Песни, опалённые войной» номинациын нырысетӥ интылы кузё луиз. Гожанысь «Пинал сюлэм» ансамбль (кивалтӥсез Людмила Шаяхметова) «Я люблю тебя, Россия» номинациын кыкетӥ интыын луиз, нош вормисе потӥз Вуж Шагиртысь «Рябинушка» коллектив (кивалтӥсез Клавдия Кокорина). Нимысьтыз кырӟасьёс пӧлын но шагиртъёслы вуисьёс ӧз луэ: нырысетӥ инты сётэмын Маргарита Сабуровалы.

Фото: