Татышлы ёросын пӧртэм калыкъёс эшъяськыса уло

Залэ люкаськем калыкез ӟечкыласа Татышлы ёрос администрациен кивалтӥсь Ф. Р. Шайхисламов вераськиз. Фанур Рафисович ёросысь пӧртэм калыкъёслэсь аръёс ӵоже эшъяськыса улэмзэс пусйиз. Та нуналэ со ёросысь устооссэ ужасьёсты, трос нылпиен анаез, нимысьтыз военной операциын бырем ожгарчилэсь атайзэ, гуманитарной юрттэт люканэ бадӟым кужым пыртэм ужбергатӥсьёсты пӧртэм данъетъёсын пусйиз. Ужрадын газетмылэн азьвыл редакторезлы, БР-ысь культура удысысь сӥё-дано ужасьлы, кема аръёс ӵоже лулчеберетэз азинтон бордын тыршем С. Г. Гарифуллинлы «За вклад в развитие Татышлинского района» медаль сётӥзы.

Концертын пӧртэм калык гуръёс чузъяськизы. Соос ёросысь башкир но бигер, ӟуч, пор но удмурт калыклэсь огкылысь луэмзэс возьматӥзы.