"Инвожо" ансамбль юбилейзэ пусйиз

 Людмила Гильзатоваен кивалтоно ансамбльлэн кылдэмез дырысен туэ вить ар тырмиз. Котырес лыдпусаз со трос эшъёссэ огазе люказ. Вуж Шагиртэ Куеда округысь гинэ ӧвӧл, палэнысь но ансамбльёс вуизы. Шулдыр кырӟанъёсын, чебер эктонъёсын удмурт калыклэн лулпуш чеберез, лулчеберетсэ синмаськымон утьыны быгатэмез шӧдӥськиз. 

Ансамблез ӟечкыласа, сцена вылысен трос шуныт кылъёс чузъяськизы. Соосты Куеда округысь, Башкортостан Республикаысь, Свердловск улосвылысь вуэм куноос веразы.

Ужрад сярысь пыр-почгес лыдӟыны быгатоды газетмылэн вуоно номеръёсысьтыз.