Нылпиос сюрес вылын кышкытлыкъёсы медаз шеде

Отын сюрес вылын ветлон куронъёсъя тодон-валанзэ эскериз Башкортостанысь 107 сюрслэсь трос нылпи (1-9-тӥ классъёс).

- Олимпиадае пыриськисьёслэн лыдзы арысь аре йылэ, - ивортэ телергам-каналаз регионысь валтӥсь кун инспектор Владимир Севастьянов. – 2023-тӥ арын олимпиадае пыриськись пиналъёслэн лыдзы 87 сюрслы ӵошаз ке, туэ со 20 сюрслы тросгес. Нылпиослы сюрес вылын ветлон куронъёсты валэктон – асьмелэн, бадӟымъёслэн, валтӥсь ужпуммы. Уго сюрес вылын луэм кышкыт учыръёсын сэрен трос нылпиос сӧсырмо, улонэн люкисько.

Туэ укмыс толэзь куспын Башкортостанын нылпиосын (16 аресозь) 365 ДТП луэм. Отын  392 нылпи сӧсырмем, укмысэз – кулэм. Соин сюрес инспекторъёс сак кариськыны куро: ПДД-ез тӥян ӟече уз вутты.