Ӵошен ужаны капчи

Гуртын ог-огеныд кенешыса улыны капчигес но, шулдыргес но. Бадӟым Туганеевоын со ласянь данъяськымон калык улэ. Соос шумпотонзэс но, куректонзэс но ӵошен вормо.

Кылсярысь, та нуналъёсы гуртоос субботнике люкаськизы. Обелиск, куштӥськем юрт котыръёсты куасьмем турынлэсь но жуг-жаглэсь утялтӥзы. Табере гуртсы чебергес но югытгес луиз. Нош туганеевоос кырын, чылкыт омырен шокаса, вакытсэс пайдаен ортчытӥзы, котыр инкуазьлы но ӟеч уж лэсьтӥзы.

Фото: Ольга Диязова