+28 °С
Салкым
Общество
25 Октябрь 2024, 06:40
Выль омырен шокчиз ошмес
Асьмелэсь улон интымес нюлэсъёс, возьёс, шуръёс, ошмесъёс шулдырто. Соос адямилы улыны кужым сёто.
Выль омырен шокчиз ошмес
Со сярысь малпаськыса, лэся, Татышлы ёросысь Бальзюгаысь пиосмуртъёс гуртысьтызы одӥгзэ ошмесэз тазатыны потӥзы. Соос куасьмем куаръёсты, турынъёсты люказы, писпу вайёсты вандылӥзы. Ошмесэ васькон сюрес чылкыт луиз. Ошмес выль омырен шокчиз, вылды. Табере со вулы лыктӥсьёсты шумпотыса дун вуэныз куноялоз.
Тодады вайытӥськом: Бальзюга «Трезвое село» муниципал конкурсэ пыриське. Со улсын гуртын трос ужъёс быдэстӥсько, ужрадъёс ортчыло.
Фото: Д.Малая Бальзуга "Трезвое село - 2024"
