Школаын шахмат клуб усьтӥськиз

Республика, федерал грантъёсын но соос кужымзэс эскеро. Туэ Елена но Геннадий Тимченколэн благотворительной фондзылэн грантэзлы «Сильный ход» конкурсэ проект дасязы. Отчы Россилэн тямыс регионысьтыз 318 проект вуэмын вал. Ахметовоос вормисьёс пӧлын луизы.

Утэм грантсы школае шахмат клуб усьтыны луонлык сётӥз. Кызьы гожтэ вк вотэс бамаз Кушнаренко ёрос администрациен кивалтӥсь Марат Латыпов, школае тематической элементъёсын мебель, шахмат пулъёс но часъёс,  магнитэн доска, выжвыл шахмат басьтэмын но баннер юнматэмын. « Пиналъёс но дышетӥсьёс валче кенешыса, одӥг малпанэ вуизы: шахмат клуб дано улосчилэсь, СВО-ын бырыны шедем Сергей Гизатуллинлэсь нимзэ нуллоз шуыса, - гожтэ М. Латыпов. – Табере ёросамы туала улонлэн куронъёсызлы тупась шахмат клуб вань. Туж шумпотымон. Оскисько, отчы ветлыны мылкыд карисьёс котьку луозы».

Табере Канлы гуртысь пиналъёс пӧлын но шахматэн тунсыкъяськисьёс трос луозы. Уго соос, гуртысьтызы школазы ворсаськемен, бускель Ахметово гуртысь школаын дышетско.

Фото: МБОУ СОШ с.Ахметово МР Кушнаренковский район