Гурт калык вакытсэ пайдаен ортчытэ

Туннэ, 24-тӥ октябре, Улапал но Выль урамъёсын улӥсь кышномуртъёс волейболэн шудонын кужымзэс мертазы. Вераны кулэ, та выллем вожвылъяськон арня ӵоже кыстӥське ини. Азьвыл нуналъёсы мукет урамъёс тупен шудӥзы. Школаысь физкультурая дышетӥсьлэн Г.Ю. Тимирбаевлэн кылъёсызъя, кышномуртъёс вормон понна уг люкасько, спортзалын соос тазалыксэс кыдато, ог-огенызы вераськыса вакытсэс шулдыр ортчыто.

Пиосмуртъёс но школае мылысь-кыдысь вуо. Соос ӝӧквыл теннисэн шудо, волейбол тупез но йыганы вутско.

Шумпотымон, гурт калык шутэтскон вакытсэ радызъя но пайдаен ортчытыны быгатэ. Та выллем ужрадъёс калыкез огазеяло, ӵошен улыны но ужаны кужым сёто.