Республикалэн тӧроезлэн пресс-службаезлэн ивортэмезъя, Радий Хабиров Росси понна спортлэн выль видэныз – падел-теннисэн тодматскиз, Спортъя кун музейлэн адӟытоназ пыриськиз, Беларусь Республикалэсь стендзэ но ZASPORT российской фабрикалэсь спорт дӥськутъёссэ учкиз. Урал заводысь спорт инвентаръя экспозициын Радий Хабиров Инвалидъёслэн быдэсросси обществозылэн представительёсыныз но предприятилэн кивалтэтэныз вераськиз, адаптивной тренажёръёсты учкиз. Кызьы тодмо, Белорецкысь заводын инвалидъёслы оборудование потто, кудӥзлэн Россиын но аналогез ӧвӧл. Со сяна, Башкортостанлэн тӧроез адӟытонысь форуме республикалэн ёросъёсысьтыз ваем башкир чечыез, чаез но киужъёсты учкиз.
Фото: пресс-служба главы РБ.