Россиысь Олимпи комитетэн кин кивалтоз?

Отын Россиысь Олимпи комитетэн кивалтӥсе дэмлазы РФ-ысь спортъя министрез Михаил Дегтяревез. Солэсь кандидатуразэ ӵектӥз Теннисъя федерацилэн тӧроез Шамиль Тарпишев.

Заседаниез нуиз Владимир Путин. Со ӵектон пумысен пумит луымтэзе вераз. М. Дегтерев понна куаразэс сётӥзы кенешлэн мукет ёзчиосыз но. «Зэм, Олимпи комитетэн спортъя министр кивалтӥз ке, со регионъёсысь федерациосын эшшо но пыр-поч ужаны быгатоз, солэн та ласянь луонлыкъёсыз тросгес луо», - вераз В. Путин.

Тодады вайытӥськом: Россиысь Олимпи комитетлэн азьвыл тӧроез Станислав Поздняков ужысь мозмытон сярысь куронэн вазиськиз. Фехтованиея ньыль полэс олимпи чемпион Олимпи комитетэн 2018-тӥ арысь куартолэзьысен кивалтӥз.

Фото: газета "Республика Башкортостан".