Ижевскын «Удмурт нылкышно кенешлэн» конференциез ортчиз

Ужрадэ 100-лы матэ делегатъёс вуизы: Удмурт Элькунысь сяна, Башкортостанысь но куноос пыриськизы. Конференцилэн ужаз пыриськизы БР-ысь удмуртъёслэн ИКЦ-зылэн методистэз Ксения Милиятова, «Эшъяськон тугоко» нылкышно клублэн ёзчиосыз Индира Шайсламова, Ирина Минлиаскарова но Светлана Сабанчина.

Ужрадэз усьтӥзы «Удмурт Кенеш» огазеяськонлэн гимнэныз. Нылкышноос берло ньыль ар ӵоже ужамзылы йылпумъянъёс лэсьтӥзы, матысь аръёсы ортчытоно ужрадъёс сярысь вераськизы но огазеяськонлы выль тӧро бырйизы. «Удмурт нылкышно кенеш» огазеяськонэн азьланяз но Елена Миннигараева кивалтоз.

Конференциын ӟечкылан кылъёс но чузъяськизы. К. В. Милиятоваез Удмуртиысь Госсоветлэн тау карон гожтэтэныз пусйизы.  

Фото: соцсети Ксения Милиятова.