Няньлэн шӧмыз

Ӵужатайлэн верамезъя, азьло гуртамы (1948-тӥ аръёсы) нянь уг вайыло вылэм. «Ларёк но ӧй вал. Арняяз огпол райцентре няньлы мынӥськом вал. Сое одӥг интыын гинэ вузаллязы. Нянь басьтыны трос адями люкаськылӥз: буй-буй кузь чугун сюрес выллем. Черодмы вуыса, няньмес басьтӥськом но доре вамыштӥськом. Одӥг арнялы - кӧня ке буханка нянь. Ми, сизьым-тямыс аресъем пиос, Выль Татышлыысен Вылысь Татышлыозь пыдын ветлӥмы. Берен бертытозь одӥг буханка няньмы быре вал. Сиыса бертӥськом, - вера ӵужатае. - Пичи дыр. Ноку вунонтэм вакыт. Ваньмыз тодэ кыле, пересьмытозь тонэн валче улэ».
Ӵужатай котьку вера, няньлэсь дуно номыр ӧвӧл шуыса. Нянь сюдэ-вордэ, кужым сётэ. Нылпиослы валэктоно няньлэсь дунлыксэ но солэсь шӧмзэ, няньлэсь ӝӧк вылэ вуэмзэ, ож дыръя но ож бере вордскем но будэм нылпиос сярысь, соослэсь нянь сярысь малпаськонзэс но мылкыдзэс.
Валерия ШАФИКОВА.
Татышлы ёросысь Уразгильды гурт. 

Туспуктэмез ИКЦ-лэн.