Купченеевоын шуныт пумиськон ортчиз

Нырысь со кык арлы одӥг пол ортчылӥз. Нош берло радлыкез пӧртэм мугъёсын тӥяськиз. Шумпотымон, удмуртъёс туэ выльысь пумиськыны быгатӥзы. Соосты кыдёкысь Ермекей ёросысь Купченеево гурт огазеяз. Пумиськон Россиысь гурт удысын тыршисьёслэн нуналзы азьын – 12-тӥ октябре - ортчиз. Озьы тупаз: делегациосын но гурт удысын ужасьёс трос луизы. Соос пӧлын, кылсярысь, гурт хозяйство наукаосъя кандидат, БР-ысь гурт удысысь сӥё-дано ужась Ханиф Баймиев, РФ-ысь гурт удысысь сӥё-дано ужасьёс Владимир Камиуллин, Зоя Зарипова но мукетъёс. Та нуналэ Купченеевоысь сцена вылын пӧртэм удысъёсын ужасьёсты данъязы. Татчы соос Балтач, Калтасы, Татышлы но Янаул ёросъёсысь вуизы. 

Пумиськон сярысь пыр-почгес лыдӟыны быгатоды газетмылэн вуоно номерысьтыз.