Таныповкаын Быдӟым Атыкай оже пыриськем воргоронъёслы обелиск усьтӥзы

Нош 24 пиосмуртъёс весяклы ож бусые кылизы. Озьы ке но соослэн нимъёссы уг вуно. Гурт калык шаермес утисьёс сярысь котьку шуныт кылъёсын вазиське. Кылем арын таныповкаос «Программа поддержки местных инициатив» проектэ пыриськыса, гуртазы обелиск тупатыны малпазы. Соослэн проектсы вормисьёс пӧлын луиз. Таныповкаослы малпанзэс быдэстыны одӥг ар кулэ луиз – туннэ соос обелисксэс усьтӥзы. Ужрадэ Татышлы ёрос администрациен кивалтӥсьлэн социальной ужпумъёсъя воштӥсез А. У. Шайнурова, Улысь Балтач гурт поселенилэн администрациеныз кивалтӥсь Э. Б. Рахимзянов но мукетъёс пыриськизы. Та нуналэ соос таныповкаослы трос шуныт кылъёсын вазиськизы, уго гурт калык обелискез аслаз кужыменыз лэсьтӥз. Отчы Быдӟым Атыкай оже пыриськем котькуд воргоронлэн нимыз пыртэмын.

Пыр-почгес лыдӟе газетмылэн вуоно номерысьтыз.