Ас удысысьтызы устооссэ данъязы

Ужрадэз ёросысь администрациен кивалтӥсьлэсь ужъёссэ быдэсъясь А.И. Горев  усьтӥз. Та нуналэ со ас удысазы усто ужасьёсты данъян грамотаосын но тау карон гожтэтъёсын пусйиз. Шумпотымон, Калтасы ёрос администрациялэсь  данъян грамотазэ удмуртъёс но  басьтӥзы. Кылсярысь, Алексей Иванович Бадӟым Качакысь почта ёзэтэн кивалтӥсьлэн О.М. Шакировалэн, Чиндэрысь библиотекарьлэн О.В. Тимиртдиновалэн, Краснохолмский гурт поселенилэн администрацияысьтыз утялтӥськисьлэн Д.М. Хафизовалэн  ужзылы вылӥ дунъет сётӥз, нош Тюльди гурт поселенилэн администрацияысьтыз егитъёсын ужанъя ӧнерчиез В.В. Байтемироваез тау карон гожтэтэн пусйиз.

Озьы ик ужрадэ Башкортостан Республикаысь ЖКХ-я министрлэн воштӥсез  Ю.А. Палтусов вуиз. Со Калтасы ёрос эмъюртысь медсестраез И.Д.  Шариповаез БР-ысь Тазалыкез утёнъя министерстволэн данъян грамотаеныз пусйиз. Нош Чиндэрысь фельдшер У.Ю. Хайдаршина «Отличник здравоохранения Республики Башкортостан» Гадьпуслы кузё луиз.