Фестиваль нылпиосты огинэ люказ

Та выллем ужрад ёросын нырысьсэ уг ортчы. Кылем арын но фестиваль пичильтокъёслэсь анай кылзэс, ас калыксылэсь сям-йылолъёссэ, кырӟан-эктонъёссэ тодэмзэс шараяз. Туэ яркыт ужрадэ Калтасы ёросысь 11 нылпи садъёсысь нылпиос люкаськизы. Соос башкир, бигер, пор, ӟуч но удмурт кылын кырӟазы-эктӥзы, кырбур веразы, калыкъёслэсь фольклорзэс возьматӥзы. Нош Бадӟым Качак гуртысь  Дарья Ильбаева, Эмиль Насипуллин но Елена Минликаева удмурт кылын кырӟанэз быдэстӥзы.