Ӟеч уж ӟечлыкен берытске

Пермь шаерысь Куеда ёросысь Бадӟым Гондырын волонтёръёслэн «Бумеранг» огазеяськонзы ужа. Отчы пыриськись нылъёс пӧртэм ужрадъёсы пырисько, субботникъёсы потало, арлыдоос доры юрттӥськыны вуыло. Алигес соос гуртысьтызы Валентина Еремеева дорын луизы, юртъер котырысь ужъёссэ быдэстӥзы: бакчазэ жуг-жаглэсь утялтӥзы, сяська убооссэ гудӥзы.

В. Еремеева нылпиослы туж шумпотӥз, тау кылъёссэ вераз но ужасьёссэ ческыт чаен кунояз.

Фото: Большегондырский Дом Культуры