Арлыдоосты сӥлы карыса

Татын арлыдоосты котьку сӥлы каро. Соос понна пӧртэм тунсыко ужрадъёс радъясько. Нош Арлыдоослэсь нуналзэс шулдыр ортчытон Вуж Шагиртын йылоллы пӧрмиз. Арлы быдэ та нуналэ культура юртын капчи мылкыд кузёяське, арган куара чузъяське. Туэ но арлыдоос мылысь-кыдысь огинэ люкаськизы. Соос понна «Рябинушка» (кивалтӥсез Клавдия Кокорина) но «Инвожо» (кивалтӥсез Людмила Гильзатова) ансамбле пыриськисьёс шулдыр концерт дасязы. Со сяна, люкаськем куноос асьсэос но кырӟазы но эктӥзы. Пумиськонзы бадӟым праздниклы пӧрмиз. Та нуналэз соос кема тодазы ваёзы на, нош вуоно аре нош ик ӵошен люкаськозы.

Фото: Старошагиртский дом культуры